Khoon kay pehlay qatray say,
Khoon ki unginnat botalun tak,
Num aankh kay pehlay aansoo say,
Muskurahaton ki fehrist tak,
Masoom jaano kay qatal say,
Aik nai zindagi ki amad tak,
Us akhri khud kash hamlay say,
Aik baagh ki uganay tak,
Sailaab, zalzalay aur dehshat gardi say,
Bhai chara, insaaniyat aur hamdardi tak,
Barish kay pehli boondh say,
Barish ki akhri boondh tak,
Baybasi kay us aalam say,
Khushion kay aansouon tak,
Haqeera honay kay ehsas say,
Naam apna roshan karnay tak,
Bhook say marjanay say lay kar,
Dosroon ko khilanay tak,
Sharmindigi kay ehsas say,
Khud ko badalnay tak,
Sub kay hi darmyan,
Hain teen cheezain aam,
Mairay Rub kay pasandeda kaam,
Shukar, Maafi aur duain dosron kay naam.
Written By :
فرار



Advertisements